បុរសម្នាក់ក្នុងចំណោម២នាក់ ត្រូវសមត្ថកិច្ចចាប់ខ្លួនភ្លាមៗ ពីបទប៉ុនប៉ងលួច
15-January-2016 | ដោយ មួយឡា
កណ្ដាល៖ នាថ្ងៃទី ១៥ ខែ មករា ឆ្នាំ ២០១៦ បុរសម្នាក់ក្នុងចំណោម០២នាក់ត្រូវបានចាប់ខ្លួនខណៈពេល ដែលកំពុងតែធ្វើសកម្មភាព ប៉ុនប៉ងលួចទ្រព្យសម្បត្តិរបស់ប្រជាពលរដ្ឋតាមដងផ្លូវ។
សមត្ថកិច្ចនគរបាលស្នងការខេត្តកណ្ដាល បានឲ្យដឹងថាបុរសដែលត្រូវបានចាប់ខ្លួននេះមាន ឈ្មោះ ឈិន ស៊ីណា អាយុ ៣៥ឆ្នាំ មានលំនៅក្នុងសង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ។
តាមសំដីប្រជាពលរដ្ឋដែលឃើញហេតុការណ៍បានឲ្យដឹងថា គេឃើញបុរស០២នាក់ជិះម៉ូតូ០១គ្រឿងឌុបគ្នាពីរនាក់ បានមកឈប់ធ្វើសកម្មភាពនៅចំណុច ភូមិទួលអំពិល ឃុំញញាឮ ស្រុកពញាឮ ខេត្តកណ្ដាល នៅយប់ម៉ោង១និង៤៥នាទី ឈានចូលថ្ងៃទី ១៥ ខែមករា ឆ្នាំ២០១៦នេះ ខណៈកំពុងតែធ្វើសកម្មភាពក៏ត្រូវប្រជាពលរដ្ឋស្រែកឆោរឡោ ដេញចាប់បានម្នាក់ចំណែកម្នាក់ទៀតបានជិះម៉ូតូរត់គេចខ្លួនបាត់ចោលដៃគូ តែត្រូវសមត្ថកិច្ចស្គាល់អត្តសញ្ញាណហើយ ដែលគាត់តែងត្រូវគេហៅថា ” ថា ” ។
វត្ថុតាងត្រូវបានដកហូតរួមមាន ៖ ម៉ូទ័រស្វាន០១ ដែលមានផ្លែទុកស្វានចំនួន០៤កាបូបស្ពាយតូច០១ អត្តសញ្ញាណប័ណ្ណសញ្ជាតិខ្មែរចំនួន ០២ សន្លឹក ជនសង្ស័យខាងលើត្រូវបានស្នងការនគរបាលខេត្តរៀបចំសំណុំឯកសារ បញ្ជូនទៅសាលាដំបូងខេត្តកណ្ដាល ចាត់វិធានការតាមច្បាប់៕ ដោយ មែន កំសត់
ប្រភព៖ KHMER79 News
ចំនួនអ្នកទស្សនា
- ថ្ងៃនេះ561
- ម្សិលមិញ15191
- សប្តាហ៍នេះ43711
- ខែនេះ65591
- ឆ្នាំនេះ65591
- សរុប20508047